Меъда-ичак касалликлари бўлими
“Ўзбекистон темир йўллари” АЖ Марказий клиник касалхонасининг гастроэнтерология бўлимида қуйидаги хоналар мавжуд:
Ичакни ювиш. Ичакни ювиш сурункали гепатитлар, спастик колитлар, аллергик реакциялар, тери касалликларида буюрилади. Ичакни ювиш “Азон-1” портатив аппарати ёрдамида озонли сув билан амалга оширилади.
Дуоденал ювиш. Минерал сув билан дуоденал ювиш магний сульфатидан фойдаланган ҳолда амалга оширилади. Дуоденал ювиш сурункали холециститлар, ўт пуфаги ва ўт чиқариш йўллари дискинезияси, аллергия ва тери касалликларида буюрилади. Зарур ҳолларда, айниқса, лямблия ва гельминтлар борлигига шубҳа қилинса, дуоденал таркиб таҳлил учун лабораторияга топширилади. Шубҳа тасдиқланса, зонд орқали зарур дори препаратлари (метронидазол, макмирор, фуразолидон) киритилади.
Ичакни ювиш ва дуоденал ювиш усулларини анъанавий дори-дармонли даволаш усуллари билан биргаликда қўллаш муолажа самарадорлигини сезиларли даражада оширади ва беморнинг тузалиш муддатини тезлаштиради.
Бўлим мудири: Қодирова Мавлюда Аброровна
Гастроентеролог. Юқори тоифасидаги шифокор. Иш тажрибаси 41 йил.
1983 йилда Тошкент Давлат тиббиёт институтини тамомлаган.
1983-йилдан 1985-йилгача Тошкент шаҳридаги 28-сонли поликлиникада терапевт врач бўлиб ишлаган;
1985 йилдан 1989 йилгача Тошкент шаҳар Чилонзор тумани 16-сон поликлиникасида терапевт бўлиб ишлаган;
1989-йилдан 1994-йилгача Ўрта Осиё темир йўллари клиник шифохонасининг ошқозон-ичак касалликлари бўлими шифокори лавозимида ишлаган;
1994 йилдан 1996 йилгача «Ўзбекистон Темир йиллари» АЖ Марказий клиник шифохонаси ошқозон-ичак касалликлари бўлими шифокори лавозимида ишлаган;
1996 йилдан ҳозирги кунгача «Ўзбекистон Темир Йўллари» АЖ Марказий клиник шифохонаси ошқозон-ичак касалликлари бўлими бошлиғи лавозимида ишлаб келмоқда.
Гастроентеролог: Осташевская Елена Вячеславовна
Гастроентеролог. Юқори тоифасидаги шифокор. Иш тажрибаси 35 йил.
1989 йилда Тошкент Давлат тиббиёт институтини тамомлаган.
1989-1991 йилларда Тошкент иккинчи Давлат тиббиёт институтида клиник ординатор бўлиб ишлаган;
1991 йилдан 1995 йилгача Тошкент клиник шифохонасида рентгенолог бўлиб ишлаган;
1995-йилдан 2007-йилгача Ўзбекистон Темир Йўллари Давлат акциядорлик темир йўл компанияси Марказий поликлиникасида умумий амалиёт шифокори лавозимида ишлаган;
2007 йилдан ҳозирги кунга қадар «Ўзбекистон Темир Йўллари» АЖ Марказий клиник шифохонаси ошқозон-ичак касалликлари бўлимида гастроентеролог лавозимида ишлаб келмоқда.
